திருச்சி ஜமால் முகமது கல்லூரியில் விளையாட்டு கோட்டாவின் மூலம் கல்லூரியில் முதலாம் ஆண்டு சேர்வதற்கு 12ஆம் வகுப்பு முடித்த மாணவர்களுக்கான கபடிகுழு தேர்வு போட்டி கல்லூரி வளாகத்தில் இன்று நடந்தது.இப்போட்டியில் பங்கு பெறுவதற்காக தமிழகத்திலுள்ள திருச்சி, கோவை, தஞ்சாவூர், மதுரை, திருநெல்வேலி, திண்டுக்கல், கரூர், நாகை, திருவாரூர், சேலம் மற்றும் விழுப்புரம் உள்ளிட்ட மாவட்டங்களிலிருந்து இந்த ஆண்டு பன்னிரண்டாம் வகுப்பு முடித்த மாணவர்கள் 500-க்கும் மேற்பட்டோர் திருச்சி ஜமால் முகமது கல்லூரிக்கு வந்திருந்தனர்.
