தமிழகத்தின் முன்னாள் முதலமைச்சரும், பல சாதனைகளுக்கு சொந்தக்காரருமான பேரறிஞர் அண்ணாவின் 116வது பிறந்தநாள் விழா இன்று நாடு முழுவதும் கொண்டாடப்பட்டு வருகிறது. அந்த வகையில் திருச்சி மேல சிந்தாமணி பகுதியில் உள்ள அண்ணாவின் திருவுருவ சிலைக்கு தமிழக பள்ளிக்கல்வித்துறை அமைச்சர் அன்பில் மகேஷ் பொய்யாமொழி தலைமையில் திமுகவினர் மாலை அணிவித்து மரியாதை செலுத்தினர்.
இந்நிகழ்வில் மாநகர செயலாளர் மதிவாணன், செயற்குழு உறுப்பினர்கள் சேகரன் சபியுல்லா மாநில அணி நிர்வாகிகள் கவிஞர்சல்மா துணை மேயர் திவ்யா தனக்கோடி, மாநில, மாவட்ட, மாநகர நிர்வாகிகள், கழகத் தொண்டர்கள் கலந்து கொண்டு சிறப்பித்தனர்