அதிமுக பொதுச்செயலாளரும், முன்னாள் முதலமைச்சரும், சட்டமன்ற எதிர்க்கட்சி தலைவருமான எடப்பாடி பழனிச்சாமியின் 70வது பிறந்தநாள் விழா தமிழகம் முழுவதும் உள்ள அதிமுக நிர்வாகிகள் மற்றும் தொண்டர்களால் பொதுமக்களுக்கு இனிப்பு வழங்கியும் நலத்திட்ட உதவிகள் அன்னதானம் வழங்கி கொண்டாடி வருகின்றனர்.
அந்த வகையில் திருச்சி அதிமுக ஏர்போர்ட் பகுதி செயலாளர் ஏர்போர்ட் விஜி ஏற்பாட்டில் வயர்லெஸ் ரோடு பகுதியில் உள்ள அன்னை ஆசிரமம் முதியோர் இல்லத்தில் மதிய உணவு வழங்கும் நிகழ்ச்சி இன்று நடைபெற்றது. இதேபோல் திருச்சி சுப்ரமணியபுரம் பகுதியில் உள்ள விநாயகர் கோவிலில் வட்டச் செயலாளர் செல்லப்பா ஏற்பட்டில் பொதுமக்களுக்கு அன்னதானம் வழங்கப்பட்டது.
இந்த நிகழ்ச்சிக்கு சிறப்பு அழைப்பாளராக அனைத்திந்திய அண்ணா திராவிட முன்னேற்றக் கழக திருச்சி மாநகர் மாவட்ட செயலாளர் சீனிவாசன் மற்றும் முன்னாள் எம்பி ரத்தினவேல் ஆகியோர் கலந்து கொண்டு முதியோர்களுக்கு மதிய உணவு வழங்கினர். இந்நிகழ்வில் திருச்சி மாநகர் மாவட்ட நிர்வாகிகள் உறுப்பினர்கள் உள்ளிட்ட ஏராளமானோர் கலந்து கொண்டனர்.