இந்தியப்பள்ளி ஆசிரியர் கூட்டமைப்பு மாவட்ட பொறுப்பாளர்கள் கூட்டம் திருச்சி ஆசிரியர் இல்லத்தில் ஒருங்கிணைப்பாளர் மயில் தலைமையில் நடைபெற்றது இந்த கூட்டத்தில் டிசம்பர் 15 ஆம் தேதி மதுரையில் நடைபெற உள்ள மாநாடு குறித்து ஆலோசிக்கப்பட்டது. தொடர்ந்து ஒருங்கிணைப்பாளர் மயில் செய்தியாளர்களிடம் கூறுகையில்: டிசம்பர் 15ஆம் தேதி மதுரையில் 10 அம்ச கோரிக்கைகளை வலியுறுத்தி மாநாடு நடைபெற உள்ளது திமுக தேர்தல் அறிக்கையில் கூறியபடி தன் பங்கேற்பு ஓய்வூதிய திட்டத்தை ரத்து செய்துவிட்டு பழைய ஓய்வூதிய திட்டத்தை அமல்படுத்த வேண்டும் ஒன்றிய அரசு தேசியக் கல்விக் கொள்கை திட்டத்தை ரத்து செய்ய வேண்டும் தமிழ்நாடு அரசு ஈட்டிய விடுப்பு ஒப்படைப்பு உரிமையை மீண்டும் ஆசிரியர்களுக்கு , அரசு ஊழியர்களுக்கும் வழங்க வேண்டும்உயர்கல்விக்கான ஊக்க ஊதியத்தை மீண்டும் வழங்க வேண்டும்
இடைநிலை ஆசிரியர்கள், முதுநிலை ஆசிரியர்கள் உள்ளிட்ட ஆசிரியர்களின் ஊதிய முரண்பாடுகளை கலைந்து மத்திய அரசுக்கு இணையான ஊதியம் வழங்க வேண்டும் உயர்நிலை , மேல்நிலைப் பள்ளியில் பணியாற்றக்கூடிய இடைநிலை ஆசிரியர்களை பட்டதாரி ஆசிரியர்களாக உட்படுத்த வேண்டும் பிற துறைகளில் உள்ள அலுவலர்கள் பள்ளிகளில் வந்து ஆய்வு என்ற பெயரில் ஆசிரியர்களின் கற்பித்தலுக்கு இடையூறு செய்வதை தமிழ்நாடு அரசு உடனடியாக தடுத்து நிறுத்த வேண்டும் உள்ளிட்ட 10 அம்ச கோரிக்கைகளை வலியுறுத்தி மதுரையில் மாநாடு நடைபெற உள்ளது இதில் பல்லாயிரக்கணக்கான ஆசிரியர்கள் பங்கேற்க உள்ளனர் எங்களின் கோரிக்கைகளை தமிழ்நாடு அரசு உடனடியாக நிறைவேற்ற வேண்டும் இல்லை என்றால் அடுத்த கட்ட போராட்டம் குறித்து கோரிக்கை மாநாட்டில் முடிவு செய்து அறிவிப்போம் என தெரிவித்தார்.