திருச்சி – மாவட்டம், தமிழ்நாடு 203 பொறியாளர் படைப்பிரிவு சார்பில் தமிழ்நாடு சப் மேஜர், கேப்டன், சேவை & முன்னாள் படைவீரர்களின் 59வது நிறுவன தின விழா திருச்சி மத்திய பேருந்து நிலையம் அருகே உள்ள அருண் ஹோட்டல் கூட்ட அரங்கில் இன்று நடைபெற்றது. இவ்விழாவிற்கு சப் மேஜர்/ஹானி கேப்டன் மாணிக்கவாசகன் தலைமை தாங்கினார். இந்த நிகழ்ச்சியில் ராணுவத்தில் பணியாற்றி விபத்தின் போது காயமடைந்து ஓய்வு பெற்ற ராணுவ வீரர்களுக்கு ஒவ்வொரு ஆண்டும் நினைவு பரிசு வழங்கி கௌரவிக்கப்பட்டு வருகிறது.
அந்த வகையில் இந்த ஆண்டு ஓய்வு பெற்ற முன்னாள் ராணுவ வீரர் சுபேதார் செல்வராஜ் அவர்களுக்கு ராணுவத்தில் ஆற்றிய பணிகளுக்கு பாராட்டு தெரிவித்து சால்வை அணிவித்து, நினைவு பரிசு வழங்கி கௌரவித்தனர். இவ்விழாவில் தமிழ்நாடு கேரளா ஆந்திரா கர்நாடகா உள்ளிட்ட பல்வேறு மாநிலங்களில் இருந்து 500க்கும் மேற்பட்ட முன்னாள் ராணுவ வீரர்கள் மற்றும் அவர்களது குடும்பத்தினர் கலந்து கொண்டு விழாவை சிறப்பித்தனர்.