திருச்சி அதிமுக மாவட்ட செயலாளர் சீனிவாசனின் சகோதரி மறைவு – நேரில் சென்று அஞ்சலி செலுத்திய பொதுச் செயலாளர் எடப்பாடி பழனிச்சாமி:-

திருச்சி மற்றும் தஞ்சை மாவட்டத்திற்கு பல்வேறு நிகழ்ச்சிகளில் கலந்து கொள்ள வருகை தந்த அனைத்திந்திய அண்ணா திராவிட முன்னேற்றக் கழகத்தின் பொதுச் செயலாளரும், தமிழக சட்டமன்ற எதிர்க்கட்சி தலைவருமான எடப்பாடி பழனிச்சாமிக்கு அதிமுக நிர்வாகிகள் தொண்டர்கள் முன்னாள் அமைச்சர்கள் உள்ளிட்டோர் உற்சாக வரவேற்பு அளித்தனர்

அதனைத் தொடர்ந்து கடந்த 3ம் தேதி உயிரிழந்த திருச்சி மாநகர் மாவட்ட செயலாளரும் முன்னாள் துணை மேயருமான சீனிவாசனின் இளைய சகோதரி கெஜலட்சுமியின் மறைவிற்கு கடிதம் வாயிலாக இரங்கல் தெரிவித்திருந்தார்‌. இந்நிலையில் திருச்சிக்கு வருகை தந்த அதிமுக பொதுச்செயலாளர் எடப்பாடி பழனிச்சாமி திருச்சி மாவட்ட செயலாளர் சீனிவாசன் இல்லத்திற்கு வருகை தந்து மறைந்த கெஜலட்சுமியின் திருவுருவப்படத்தை திறந்து வைத்து மலர் தூவி மரியாதை செலுத்தினார். அதனைத் தொடர்ந்து மாநகர் மாவட்ட செயலாளர் சீனிவாசன் குடும்பத்திற்கு ஆறுதல் தெரிவித்தார். இந்நிகழ்வில் முன்னாள் அமைச்சர்கள் விஜயபாஸ்கர், காமராஜர், வளர்மதி, முன்னாள் எம்பி ரத்தினவேல், முன்னாள் அரசு கொறடா மனோகரன், முன்னாள் ஆவின் சேர்மன் கார்த்திகேயன், மாவட்டச் செயலாளர் ப.குமார், அதிமுக மாவட்ட மகளிர் அணி செயலாளர் நசீமா பாரிக், மாவட்ட இணைச் செயலாளர் ஜாக்லின், மாவட்ட மகளிர் அணி இணைச் செயலாளர் ஜெயஸ்ரீ, மாவட்ட மகளிர் அணி துணை தலைவி புவனேஸ்வரி, ஏர்போர்ட் பகுதி செயலாளர் விஜய் ஐடி விங்ஸ் மாவட்ட செயலாளர் வெங்கட் பிரபு மற்றும் கழக நிர்வாகிகள் தொண்டர்கள் உள்ளிட்ட ஏராளமானோர் கலந்து கொண்டனர்.