விநாயகர் சதுர்த்தி விழா நேற்று முன்தினம் கோலாகலமாக கொண்டாடப்பட்டது. திருச்சி மாநகரத்துக்குட்பட்ட பகுதிகளில் பல்வேறு இடங்களில் விநாயகர் சிலை வைக்கப்பட்டு மூன்று நாட்கள் பூஜை நடைபெற்று வந்தது.
இந்த நிலையில் இன்று மூன்றாவது நான் அனைத்து சிலைகளும் இன்று மாலை 6 மணிக்கு மேல் மேள தாளத்துடன் ஊர்வலமாக எடுத்துவரப்பட்டு காவிரி ஆற்றில் கரைக்கபட்டு வருகிறது
மாநகரில் உள்ள சிலைகள் காவிரி பாலத்துக்கு கொண்டு வரப்பட்டு அங்கு கரைக்கப்பட்டு வருகின்றன. விநாயகர் சிலைகள் விசர்ஜனத்தையொட்டி திருச்சி காவிரி பாலத்தில் தடுப்பு கட்டைகள், ஆங்காங்கே மேடை, கண்காணிப்பு கேமரா உள்ளிட்டவை பொருத்தப்பட்டுள்ளது
விநாயகர் சிலை ஊர்வலம் செல்லும் பாதையிலும், சிலைகள் கரைக்கப்பட உள்ள காயிரி பாலத்திலும் மாநகர போலீஸ் கமிஷனர் உத்தரவின் பேரில் ஏராளமான போலீசார் பாதுகாப்பு பணியில் ஈடுபட்டுள்ளனர்.
விநாயகர் சிலைகள் ஊர் வலத்தை முன்னிட்டு ஊர்வலம் செல்லும் பாதையில் போக்குவரத்து இடையூறு ஏற்படும் என்ற காரணத்தால் போக்குவரத்து மாற்றம் செய்யப்பட்டுள்ளது