அதிமுக திருச்சி மாநகர் மாவட்ட, தில்லைநகர் பகுதி அதிமுக கழகத்தின் சார்பில், பகுதிகழகச் செயலாளர் முஸ்தபா ஏற்பாட்டில் திருச்சி பீம நகர் பகுதியில் உள்ள திருமண மண்டபத்தில் அதிமுக பூத் கமிட்டி நிர்வாகிகள் கூட்டம் நடைபெற்றது.
அதேபோல் ஜங்ஷன் பகுதி சார்பில் திருச்சி புத்தூர் நால்ரோடு அருகே உள்ள திருமண மண்டபத்தில் அதிமுக பூத் கமிட்டி நிர்வாகிகள் கூட்டம் ஜங்ஷன் பகுதி கழக செயலாளர் நாகநாதர் பாண்டி ஏற்பாட்டில் நடைபெற்றது.
திருச்சி மாநகர் மாவட்ட கழக செயலாளர், முன்னாள் துணை மேயர் ஜெ.சீனிவாசன் தலைமையில் நடைபெற்ற கூட்டத்தில்பூத் கமிட்டி மாவட்ட பொறுப்பாளர், கழக அமைப்பு செயலாளர், முன்னாள் அமைச்சர் கோகுல இந்திரா, பூத் கமிட்டி, மகளிர் குழு, பாசறை குழு அமைக்கப்பட்ட நிலை குறித்தும் பூத் கமிட்டி பொறுப்பாளர்கள் கையேடு, ஆதார் எண் இணைப்பு, தொடர்பு எண் ஆகியவை குறித்தும் ஆய்வு நடத்தினார்.
இதில் மாவட்ட அவைத்தலைவர் மலைக்கோட்டை ஐயப்பன், அம்மா பேரவை மாவட்ட செயலாளர் கார்த்திகேயன், மாவட்ட இணை செயலாளர் ஜாக்குலின் மாவட்ட துணை செயலாளர் வனிதா, பொறியாளர் இப்ராம்ஷா, கவுன்சிலர் அரவிந்தன் வட்ட செயலாளர்கள் உள்ளிட்ட பலர் கலந்து கொண்டனர்.