ஒவ்வொரு ஆண்டும் இஸ்லாமியர்கள் ரம்ஜான் பண்டிகைக்கு முன்பு ஒரு மாத காலம் நோன்பு இருப்பது மரபு. நோன்பு காலத்தில் இஸ்லாமியர்கள் விடியலுக்கு முன்பாக உணவு சாப்பிட்டு விட்டு பிறகு சூரியன் மறையும் வரை உணவு உண்ணாமலும், தொண்டையில் எச்சில் கூட விழுங்காமலும் மிகக் கடுமையான நோன்பு இருந்து ரமலானை கொண்டாடுவார்கள்.

இந்த ஆண்டு ஈகைத் திருநாள் எனப்படும் ரமலான் பண்டிகை இன்று கொண்டாடப்படும் என தமிழ்நாடு அரசின் தலைமை ஹாஜி அறிவித்தார். அதன்படி, இன்று அதிகாலையில் இஸ்லாமியர்கள் சிறப்பு ரமலான் தொழுகையில் ஆயிரக்கணக்கானோர் பங்கேற்றனர்.

அதன்படி திருச்சி தென்னூர் உழவர் சந்தை மைதானத்தில் தமிழ்நாடு தவ்ஹீத் ஜமாத் சார்பில் ஆயிரக்கணக்கான ஆண்கள் பெண்கள் சிறப்பு தொழுகையில் ஈடுபட்டனர்.

 இதே போல் திருச்சி மரக்கடை பகுதியில் உள்ள அரசு சையத் முதுஷா மேல்நிலைப் பள்ளியில் இஸ்லாமிய பிரச்சார பேரவை மற்றும் தமிழ்நாடு முஸ்லிம் முன்னேற்ற கழகம் சார்பில் ஆயிரக்கணக்கான இஸ்லாமியர்கள் இணைந்து சிறப்பு தொழுகையில் ஈடுபட்டனர். மேலும் புத்தாடைகள் அணிந்து சிறப்பு தொழுகையில் பங்கேற்று ஒருவருக்கு ஒருவர் கட்டித் தழுவி அன்பை பரிமாறி கொண்டு மகிழ்ந்தனர்.

இதேபோல் திருச்சி கோட்டை ஸ்டேஷன் ரோடு பகுதியில் அமைந்துள்ள கபூர் பள்ளிவாசல் ஈத்காஹ் மைதானத்தில் பள்ளிவாசல் நிர்வாகி ஜனாப் அப்துல் ஹமீது தலைமையில் ரமலான் பெருநாள் சிறப்பு தொழுகை நடைபெற்றது.

இந்த சிறப்பு தொழுகையை மௌலானா ஃபாஜில் முகமது மொய்தீன் அன்வாரி நடத்தி வைத்தார் இதில் ஏராளமான இஸ்லாமியர்கள் கலந்து கொண்டு சிறப்பு தொழுகை ஈடுபட்டனர்.

Leave a Reply

Your email address will not be published. Required fields are marked *