விவசாயிகள் சங்க தலைவர் அய்யாக் கண்ணு தலைமையில் கலெக்டர் அலுவலகம் முன்பு விவசாயிகள் தரையில் அமர்ந்து போராட்டம்:-

ஸ்ரீரங்கம் தொகுதிக்குட்பட்ட காவல்காரன்பாளையம் பகுதியில் நிலத்தடிநீர்மட்டம் பாதிக்கும் வகையிலும், விவசாயத்தை அழிக்கும் வகையிலும் சிவகங்கை கூட்டுகுடிநீர் திட்டத்திற்காக ராட்சத போர்வெல் மூலம் தண்ணீர் எடுக்கும் தமிழக அரசை கண்டித்தும், கதவணையுடன் கூடிய தடுப்பணை கட்டியபிறகு கூட்டுக்குடிநீர் திட்டத்தை செயல்படுத்த மாவட்ட நிர்வாகம் உறுதிசெய்யவேண்டும்,

மேலும் கூட்டுக்குடிநீர் திட்டபணிகளுக்காக காவிரி ஆற்றில் மணல் கொள்ளையடிப்பதை தடைசெய்து, சம்பந்தப்பட்ட ஒப்பந்ததாரரின் ஒப்பந்தத்தை ரத்துசெய்ய வேண்டும் என்பதனை வலியுறுத்தி தேசிய தென்னிந்திய நதிகள் இணைப்பு விவசாயிகள் சங்கம் மாநிலத் தலைவர் அய்யாக்கண்ணு தலைமையிலான 100க்கும் மேற்பட்ட விவசாயிகள் மாவட்ட ஆட்சியர் அலுவலகம் நுழைவாயில் முன்பு தரையில் அமர்ந்து போராட்டத்தில் ஈடுபட்டதால் பரபரப்பு ஏற்பட்டது.