தமிழ்நாடு முஸ்லிம் முன்னேற்றக் கழகத்தின் திருச்சி மேற்கு, கிழக்கு மாவட்ட பொறுப்பு குழு தலைவர்கள் பைஸ் அகமது, முகமது ராஜா ஆகியோர் நியமனம்.

தமிழ்நாடு முஸ்லிம் முன்னேற்றக் கழகத்தின் மாநில பொறுப்பாளரும், திருச்சி மேற்கு மற்றும் கிழக்கு மாவட்ட பொறுப்பாளருமான ஷபியுல்லாகான் வெளியிட்டுள்ள செய்தி குறிப்பில் கூறியிருப்பதாவது:-

தமிழ்நாடு முஸ்லிம் முன்னேற்ற கழகம் மற்றும் மனிதநேய மக்கள் கட்சி திருச்சி மாவட்டத்தில் தற்போது தெற்கு மாவட்டம் வடக்கு மாவட்டம் என இரு மாவட்ட நிர்வாங்களாக செயல்பட்டு வருகிறது . இதனை நிர்வாக வசதிக்காக சீரமைக்கும் விதமாக கடந்த தலைமை நிர்வாக குழு எடுத்த முடிவின் அடிப்படையில் தெற்கு மாவட்டம் , வடக்கு மாவட்டம் என செயல்பட்ட நிர்வாகம் இனி கிழக்கு மாவட்டம் , மேற்கு மாவட்டம் என செயல்படும் . திருச்சி மாவட்டத்தில் உள்ள ஒன்பது சட்ட மன்ற தொகுதிகளில் திருச்சி மேற்கு , திருவரங்கம் , மணப்பாறை , முசிறி ஆகிய சட்டமன்ற தொகுதிகள் மேற்கு மாவட்டமாகவும் , இதேபோல் திருச்சி கிழக்கு , திருவெறும்பூர் , லால்குடி , மண்ணச்சநல்லூர் , துறையூர் ஆகிய சட்டமன்ற தொகுதிகளை உள்ளடக்கிய பகுதிகள் திருச்சி கிழக்கு மாவட்டமாகவும் இனி செயல்படும் .

திருச்சி மேற்கு மாவட்ட பொறுப்பு குழு தலைவராக பைஸ் அகமது ( மாமன்ற உறுப்பினர் ) , திருச்சி கிழக்கு மாவட்ட பொறுப்பு குழு தலைவராக முகமது ராஜா ஆகியோர் நியமிக்கப் பட்டுள்ளனர் . இப்ராஹிம் , இப்ராம்ஷா , ஹுமாயூன் கபீர் , இம்ரான் , அசாருதீன் , மணவை அக்பர் மேற்கு மாவட்ட பொறுப்பு குழு உறுப்பினர்களாகவும் , அஷ்ரப் அலி , காஜா மொய்தீன் , உஸ்மான் , இலால்குடி இலியாஸ் , மண்ணச்சநல்லூர் மாலிக் , துறையூர் அப்துல்லா கிழக்கு மாவட்ட பொறுப்பு குழு உறுப்பினர்களாகவும் தலைமை கழகத்தால் நியமிக்கபடுகிறார்கள் . எனவே கழக உறுப்பினர்கள் இவர்களோடு இணைந்து கழக பணிகளை மேற்கொள்ளும் படி கேட்டுக் கொள்ளப்படுகிறது.