அதிமுக பொதுச்செயலாளரும், முன்னாள் தமிழக முதலமைச்சருமான எடப்பாடி பழனிச்சாமியின் பிறந்த நாளை முன்னிட்டு திருச்சி மாவட்ட அதிமுக தகவல் தொழில்நுட்ப பிரிவு மாவட்ட செயலாளர் வெங்கட் பிரபு ஏற்பாட்டில் திருச்சி கல்லுக்குழி ஆஞ்சநேயர் சுவாமி திருக்கோவிலில் சிறப்பு பூஜை மற்றும் அன்னதானம் வழங்கப்பட்டது.
இந்த நிகழ்ச்சிக்கு அதிமுக திருச்சி மாவட்ட செயலாளர் சீனிவாசன் ஜே பேரவை மாவட்ட செயலாளர் கார்த்திகேயன் மற்றும் முன்னாள் எம்பி ரத்தினவேல் ஆகியோர் சிறப்பு பூஜையில் பங்கேற்று பொதுமக்களுக்கு அன்னதானம் வழங்கினர்.
இந்நிகழ்வில் திருச்சி மாநகர் மாவட்ட மாணவரணி துணைத் தலைவர் வழக்கறிஞர் சேது மாதவன், திருச்சி மாவட்ட மகளிர் அணி இணைச் செயலாளர் ஜெயஸ்ரீ மற்றும் திருச்சி மாநகர் மாவட்ட அதிமுக நிர்வாகிகள் உறுப்பினர்கள் தொண்டர்கள் உள்ளிட்ட ஏராளமானோர் கலந்து கொண்டனர்.