சர்வதேச அறிவியல் தொழில்நுட்பம் மற்றும் ஆராய்ச்சி விருதுகள் 2024 என்கிற நிகழ்ச்சி திருச்சி மத்திய பேருந்து நிலையம் அருகே உள்ள ஹோட்டல் ஃபெமினா கூட்ட அரங்கில் நடைபெற்றது. இந்த நிகழ்ச்சிக்கு சிறப்பு விருந்தினராக தமிழக கல்வி அமைச்சர் அன்பில் மகேஷ் பொய்யாமொழி கலந்து கொண்டு வெற்றியாளர்களுக்கு பொன்னாடை போற்றி விருதுகள் வழங்கி கௌரவித்தார்.
இந்நிகழ்வில் 10 நாடுகளைச் சேர்ந்த சிறப்புத் தலைவர்களை கௌரவிக்கும் விதமாக ஜப்பானைச் சேர்ந்த பேராசிரியர் டாக்டர் ஷிஜியோ சுடோ, மெக்ஸிகோவைச் சேர்ந்த டாக்டர் லூயிஸ் ஏ கலீசியா லூனா, துருக்கியைச் சேர்ந்த டாக்டர் லெவென்ட் பாயம், இத்தாலியைச் சேர்ந்த ரோக்கோ லனாட்டா மற்றும் சுவிட்சர்லாந்தைச் சேர்ந்த டாக்டர் குலவுண்டா அமி தத்தியானா உள்ளிட்டோருக்கு விருதுகள் வழங்கப்பட்டது. மேலும் நிகழ்ச்சியில் தமிழ்நாடு கல்வியமைச்சர் அன்பில் மகேஷ் பொய்யாமொழிக்கு சிறந்த கல்வியமைச்சர்” என்ற பட்டத்தை ஆசியா ஆராய்ச்சி விருதுகள் நிர்வாக இயக்குநர் ராம்குமார் வழங்கி கவுரவித்தார். இந்த ஆசிய ஆராய்ச்சி விருதுகள் அறிவியல் மற்றும் தொழில்நுட்பத்தின் பல்வேறு துறைகளைச் சேர்ந்த நிபுணர்கள் கலந்து கொண்டனர்.