திருச்சி மாவட்டம் குழுமணி அக்ரகாரம் பகுதியில் உள்ள அருள்மிகு ஐயமங்கள ஸ்ரீ மஹா ப்ரத்யங்கிரா தேவி ஜீர்ணோர்தாரண அஷ்டபந்தன மகா கும்பாபிஷேக விழா வருகிற டிசம்பர் 1-ம் தேதி காலை 6 மணி முதல் 7 மணி வரை கோவில் விமான கலசங்களுக்கு மகா கும்பாபிஷேக விழா நடைபெற உள்ளது. கும்பாபிஷேக விழாவை முன்னிட்டு இன்று காலை 6 மணி அளவில் ஜீயபுரம் பகுதியில் உள்ள காவிரி கரையில் இருந்து பக்தர்கள் மற்றும் ஆலய அர்ச்சகர்கள் தீர்த்த குடத்தை யானை மீது வைத்து மேள தாளங்கள் முழங்க ஊர்வலமாக கொண்டு வந்தனர்.
மேலும் ஸ்ரீ மஹா ப்ரத்யங்கிரா தேவியின் வாகனங்களான குதிரை, காளை, ஆடு, சேவல், நாய் ஆகியவை முன் செல்ல பக்தர்கள் தீர்த்த குடங்களை தலையில் ஏந்தி ஊர்வலமாக வந்து கோயிலில் வீற்றிருந்த ஸ்ரீ மஹா ப்ரத்யங்கிரா தேவிக்கு அபிஷேகம் நடைபெற்றது. இந்நிகழ்வில் பொதுமக்கள் பக்த கோடிகள் உள்ளிட்ட ஏராளமானோர் கலந்து கொண்டு சாமி தரிசனம் செய்தனர். இந்த கும்பாபிஷேக விழாவிற்கான ஏற்பாடுகளை கோயில் ஸ்தாபகர் கல்யாணராம பட்டாட்சாரியார் சுவாமி செய்து இருந்தார்.