திருச்சியில் பாத்திமா ஜொஹரா நிஸ்வான் மற்றும் மக்தப் மத்ரஸா புதிய கட்டிடத்தை தேசிய தலைவர் காதர் மொய்தீன் திறந்து வைத்தார்.

திருச்சி காஜா தோப்பு, அண்டகொண்டான் பகுதியில் உள்ள முஹம்மத் பூறா ஜும்ஆ மஸ்ஜித் ஜமாஅத் சார்பில் பாத்திமா ஜொஹரா நிஸ்வான் மற்றும் மக்தப் மத்ரஸா புதிய கட்டிட திறப்பு விழா இன்று நடைபெற்றது. இவ்விழாவில் சிறப்பு அழைப்பாளராக இந்திய யூனியன் முஸ்லிம் லீக் தேசிய தலைவர் காதர் மொய்தீன் கலந்து கொண்டு புதிய கட்டிடத்தை ரிப்பன் வெட்டி திறந்து வைத்தார்.

இவ்விழாவிற்கு முஹம்மத் பூறா ஜும்ஆ மஸ்ஜித் ஜமாஅத் தலைவர் சாகுல் ஹமீது தலைமை தாங்கினார். மக்கா மஸ்ஜித் தலைமை இமாம் முஹம்மது சிராஜீத்தீன், இந்திய யூனியன் முஸ்லிம் லீக் திருச்சி தெற்கு மாவட்ட தலைவர் முஹம்மது நிஜாம், வடக்கு மாவட்ட தலைவர் அப்துல் வஹாப் ஆகியோர் வாழ்த்துரை வழங்கினார்கள். ஜமாத் செயலாளர் ரஷித் கான் நன்றி உரையாற்றினார். இவ்விழாவில் அப்பகுதியை சேர்ந்த ஏராளமான இஸ்லாமியர்கள் கலந்து கொண்டனர்